Paralelisht me ceremoninë e “Topit të Artë”, u mbajt dhe “Gran Gala del Calcio”, ku u zgjodhën lojtarët më të mirë në Serinë A.
Cristiano Ronaldo bojkotoi ceremoninë e “Topit të Artë” për të qenë i pranishëm në Milano teksa mori çmimin si lojtari më i mirë dhe më i vlefshëm në Serinë A për sezonin e kaluar, ku portugezi pati një sezon mjaft pozitiv duke qenë deçiziv për Juventusin.
Në fjalën e tij pas marrjes së trofeut ai deklaroi:
“Do të përpiqem të flas në italisht. Jam krenar që konsiderohem sulmuesi më I mirë në Itali”, tha ai.
“Falënderoj shokët e mi, lojtarët të cilët votuan për mua. Pas dy vitesh në Itali, mund të them se kjo është një ligë shumë e vështirë. I falënderoj të gjithë që votuan për mua dhe shpresoj që vitin e ardhshëm do të jetë përsëri njëjtë”.
Me këtë trofe Ronaldo fiton çmimin e lojtarit më të mirë në tre liga të ndryshme, Angli, Spanjë dhe Itali.
