Kryeministri Edi Rama i ka bërë një tjetër ftesë publike për bashkëpunim kreut të opozitës Lulzim Basha. Me një postim në rrjete sociale Rama i bën thirrje Bashës për bashkëpunim që të dalim nga kjo situatë.
Ndërkohë që vetëm pak ditë më parë Basha ju përgjigj negativisht ftesës së Ramës, duke i thënë që sot nuk është koha për të folur për politikë, por për tu përballur me përgjegjësitë e secilit politikan.
Ja postimi i Ramës:
I dashur Lulzim, asgjë më të keqe s’mund të bëjë një politikan në këto ditë të zymta, se sa të kërkojë raste njerëzish ende të pasistemuar për t’i përdorur për politikë! Ka shumë akoma që duan dorën tonë dhe ngrohtësinë e kujtdo që mundet t’ua japë! Eja të bashkëpunojmë…
Mos u mjafto me fjalët e errëta e me pamjen që dukesh sikur e ke humbur ti shtëpinë, jo ata fatkeqë që kështu bëhen sfond mediatik, për të përcjellë zymtinë e politikës së stërvjetër, nē vend të ngrohtësisë njerëzore! Le t’i ndihmojmë së bashku me pak dritê, se zymti kanë boll🙏
Kujtojmë që vetëm pak kohë më parë Rama përbuzte opozitën dhe kreun e saj Lulzim Basha, duke i cilësuar si opozitarë rruge.
