Sezoni i Formula 1 përfundoi me çmimin e madh të Abu Dhabit, ku kampion i botës u shpall Lewis Hamilton, titulli i gjashtë në karrierë, ndërsa skuderia kampione ishte sërish Mercedes.
Vëmendja spostohet e gjitha te Lewis Hamilton, ku do të shihet me shumë kujdes nëse ai do të rinovojë me Mercedes apo jo.
Përgjatë javës së kaluar ka pasur shumë zëra, nga të dyja kampet si te Ferrari dhe te Mercedes se një lëvizje e Hamilton te “kokëkuqja” është e mundur ku vetë shefi i skuadrës Mattia Binotto, shprehet entuziast për mundësinë me nënshkrimin me Hamilton, deklaratë kjo e bërë ku i pranishëm pranë tij ishte dhe homologu i tij te Mercedes, Totto Wolf.
Ndërsa i pyetur mbi këto zëra, Hamilton lë gjithçka të hapur duke deklaruar:
“E di që edhe Toto Volf po shqyrton opsionet për të ardhmen dhe vetëm ai e di se çfarë është më mirë për të. Kështu që le të presim. Adhuroj vendin në të cilin ndodhem dhe sigurisht që nuk kam arsye urgjente për të cilat duhet të nxitohem. Por nga ana tjetër mendoj se është diçka inteligjente për mua që të mendoj edhe për të ardhmen, pasi mund të jetë edhe periudha e fundit e karrierës ku do të kem mundësinë ta bëj diçka të tillë. Unë dua të vazhdoj të fitoj dhe të jem në gjendje për të luftuar me këta djem të rinj”.
“Por vërtet nuk mund t’ju them se çfarë do të ndodhë”. – përfundoi Hamilton.
