Aktivistja dhe studentja Xhulja Aliaj, e cila u arrestua me akuzën përhapje paniku, vetëm pse postoi dy tituj nga gazeta e Vatikanit, do të dalë nesër para Gjykatës së Durrësit.
Aleanca për Mbrojtjen e Teatrit ju bën thirrje gjithë qytetarëve shqiptarë që të bashkohen nesër në orën 11:00 para Gjykatës që do të japë vendimin për Xhuljan, dhe të protestojnë paqësisht kundër kësaj padrejtësie.
Sipas Aleancës për Mbrojtjen e Teatrit arrestimi i Xhuljas ishte një padrejtësi, ndërkohë që në këtë vend ata që duhen dënuar janë pikërisht ata që ju morën jetën shqiptarëve për shkak të ndërtimeve të dobëta.
Ja postimi i Aleancës për Mbrojtjen e Teatrit:
Nesër, ora 11, në Gjykatën e Durrësit, zhvillohet gjyqi për masën e arrestit ndaj qytetares Xhulia Aliaj, që akuzohet për “përhapje paniku”.
“Faji” i Xhulia Aliajt është se postoi në profilin e saj në Facebook artikullin e medias italiane Avvenire ku flitej për dyshime se mund të jetë dëmtuar impianti i trajtimit të ujrave të zeza.
Ndërkohë që ka dhjetra pallate e qindra shtëpi të shembura dhe nuk është arrestuar asnjë konstruktor, inxhinier zbatimi, mbikqyrës punimesh, pronar firme ndërtimi apo shef urbanistike në bashki, Prokuroria që po “rilind” përmes “vettingut”, zbaton urdhrin e diktatorit për arrestimin e një qytetareje të thjeshtë, për citimin e një lajmi, autorët e të cilit nuk janë paditur apo hetuar.
Aleanca për Mbrojtjen e Teatrit ju bën thirrje të solidarizohemi me qytetaren Xhulia Aliaj duke u mbledhur paqësisht para Gjykatës.
#DrejtësiPërXhulian
#UnëJamXhulia
#MbroLirinëEFjalës
#ThuajiJoDiktaturës
Fotografia e Aleanca për Mbrojtjen e Teatrit
