Ekipet e kërkim-shpëtimit pritet të nisin sot kërkimet në rrënojat e hotelit “Mira Mare”, pasi pronari i hotelit që u shkatërrua nga tërmeti i 26 nëntorit, ka këmbëngulur se mund të ketë trupa të tjerë.
Kërkimet u ndërprenë pasi nga ekzaminimet me sensorë dhe me qen ka rezultuar se poshtë rrënoja nuk ka trupa të tjerë përveç atyre që janë nxjerrë.
Por sikundër njoftohet kërkimet do të rinisin pasi pronari i këtij objekti pretendon se poshtë rrënojave ka ende njerëz.
Sikundër është raportuar nga hoteli ‘Mira Mare’ u nxorën të pajetë dy trupa Eviola Broshka që ishte balerinë dhe baristi Sotiraq Misha, ndërsa u shpëtua Adriatik Bode, që ndodhet në spital nën kujdesin e mjekëve.
