Në Durrës ka nisur shembja e ndërtesave që janë shpallur jashtë çdo funksioni për shkak të goditjeve dhe dëmtimeve që kanë marrë nga tërmeti i 26 nëntorit me magnitudë 6.4 të shkallës Rihter dhe pasgoditjes.
Inxhinieri Arben Meçe ka deklaruar sot se janë ekspertët që do të përcaktojnë se cilët pallate duhet të shemben, por IKMT ka nisur shembjen e godinave.
Arkitekti Marin Biçoku thekson se ndërtesat e shembura nga tërmeti përbëjnë objekt të hetimit ligjor dhe teknik.
Pra, shkatërrimi i pallateve në Durrës, do të thotë shkatërrim provash.
Fotot e mëposhtme nga aksioni i IKMT janë realizuar nga Gent Shkullaku, i agjencise LSA.
