Trajnerit të Tottenham, Jose Mourinho, i është ofruar 12 milionë paundë nga Reali i Madridit për të refuzuar çdo ofertë nga klubet e tjera Europiane dhe të priste për shkarkimin e Zinedine Zidane. – lajm që bëhet i ditur nga “The Sun”.
Gjigandët spanjoll dëshironin të nënshkruanin me Jose Mourinhon si agjent i lirë, në rast largimi të trajnerit aktual Zinedine Zidane.
Skuadra si Borussia Dortmund, Milan, Lyon dhe klube nga kampionati kinez ishin të gatshme të shpenzonin miliona për të pasur shërbimet e tij por trajneri portugez zgjodhi Tottenham.
Sipas “The Sun” këto bisedime ishin bërë në kohën kur Real i Madridit ishte në një krizë rezultatesh, pasi një lëvizje e tillë aktualisht nuk mendohet pasi performancat e klubit “merengues”, nën drejtimin e Zidane kanë ardhur në rritje.
