Aktivistja dhe studentja, Xhulia Aliaj, do të dalë nesër në orën 11 para Gjykatës së Durrësit, ku dhe pritet të merret vendimi pas arrestimit të saj me akuzën se përhapi panik, pasi shpërndau dy tituj të gazetës së Vatikanit.
Lidhur me këtë ngjarje ka ardhur dhe reagimi i fortë i ish-kryeministrit Sali Berisha, i cili kërkon lirimin e menjëhershëm të Xhulias.
Me anë të një postimi në Facebook, Berisha shkruan se me urdhër politik të Edi Ramës, Xhulias i është shkelur çdo e drejtë, pasi nuk është lejuar të takohet me familjarët.
Sipas tij Xhulia duhet liruar menjëherë, pasi frikën, panikun dhe dëmet më të mëdha kësaj shoqëria ja ka shkaktuar rilindja dhe njerëzit pranë saj.
Ja postimi i Berishës:
Liri per Xhulian!
Xhulia Aliajt, te burgosures politike me urdher te Edvin Mafise nuk i lejojne takimin me prindrit.
Miq, me urdher te Edvin Mafise vendoset ne izolim total, terror psikologjik i ndalohen takimet me familjaret si dhe tejkalohen te gjitha afatet ligjore per paraqitjen e Xhulia Aliaj ne gjykate.
Denoj me ashpersine me te madhe arrestimin e saj politik, vendosjen e saj ne nje akt hakmarrje shtazore ne kushtet te izolimit me te plote sikur te ishte nje terroriste per fajin e vetem se ajo si miliona shqiptare ka drejtuar me guxim gishtin mbi Edvin Mafine dhe mafien e tij shteterore, rolin e tyre ne dramen qe po kalon Shqiperia.
Kerkoj lirimin e menjehershem te te burgosures politike Xhulia Aliaj dhe ju bej thirrje organizatave nderkombetare te te drejtave te njeriut dhe vendeve te lira te denojne me forcen me te madhe arrestimin e Xhulias nga Edvin Mafia per nje status ne te cilin e akuzon ate si e keqja me e madhe e vendit tone. sb
