Njëri prej viktimave të sulmit terrorist, që ndodhi dje në Londër, është Jack Merritt, një i ri, i diplomuar në Universitetin e Cambridge.
Ai u vra nga një sulm me thikë, prej terroristit 28 vjeçar, Usman Khan.
Khan u qëllua për vdekje në vendngjarje nga policia, por vetëm pasi kishte marrë jetët e dy personave dhe kishte plagosur tre të tjerë.
Viktima tjetër që ndërroi jetë në këtë sulm, është një grua, por identiteti i saj nuk është bërë i ditur ende.
Kahn ishte një emër i njohur për autoritetet britanike, pasi ai u dënua për vepra terroriste në vitin 2012. Kahn u lirua nga burgu me kusht në dhjetor të vitit 2018.
