E gjithë bota sportive e më gjerë është në mbështetje të Shqipërisë dhe shqiptarëve.
Së fundmi, ish-sulmuesi italian i Romës dhe Leçes, Paolo Baldieri ka vendosur që të grumbullojë ndihma për t’i nisur në drejtim të Shqipërisë dhe si falënderim për ata që kontribuojnë, ka hapur lokalin e tij dhe të gjithë do të qerasen me një kafe falas.
Konfirmimi ka ardhur nga vetë futbollisti Italian, ku ka deklaruar:
“Të enjten dhe të premten kemi organizuar një grumbullim rrobash dhe bazës së nevojshme për t’i dërguar në Shqipëri. Të gjithë ata që duan të marrin pjesë, simbolikisht do t’i ofroj një kafe në shenjë falënderimi te lokali im”.
