Prej 26 nëntorit, gazetarët e “News24” dhe të “BalkanWeb” kanë ndjekur situatën e rëndë në zonat e prekura nga tërmeti tragjik, i cili la pas 51 persona të vdekur dhe qindra të tjerë të plagosur.
Kjo situatë ka shkaktuar dëme të shumta edhe në zonën e Golemit.
Një qytetar ka treguar përjetime e trishta të lëkundjeve të fuqishme të tërmetit të së martës me magnitudë 6.4 të shkalles rihter, ndërsa tha se mbeti i bllokuar brenda dhe dyert nuk hapeshin.
“Është mundi i një jete. Kanë ardhur për ta nxjerrë të pabanueshme. Ta dimë edhe ne se çfarë të bëjmë: do shembet apo do të riparohet. Kemi punuar një jetë të tërë në emigracion. Nuk qëndrojmë në këtë shtëpi, sepse situata është e tmerrshme. Lëkundjet e forta i kemi përjetuar brenda. Dyert kanë qenë të bllokuara, i kemi hapur me leva. Sapo e kishim riparuar shtëpinë nga dëmet e 21 shtatorit. E kam blerë 40 milionë lekë që nga viti 2000, por kam bërë shumë investime”-tha ai.
