Dëshira e James Rodrigues gjithmonë ka qenë të qëndrojë te Reali i Madridit, por mesfushori kolumbian asnjëherë nuk ka qenë i preferuari i Zidane.
Sipas mediave angleze duke parë këtë situatë, skuadra e Arsenalit është interesuar për të nënshkruar me Rodriguez në merkaton e janarit.
Por një ofertë e “topçinjve’ është refuzuar nga vetë lojtari, pasi synimi i tij është të fitojë besimin e trajnerit Zidane dhe të luajë në formacionin bazë të Realit të Madridit.
Rodriguez këtë sezon ka shumë pak minuta në fushën e lojës, kjo edhe për shkak të dëmtimeve që ka vuajtur ku dhe aktualisht është në fazë rikuperimi, pas dëmtimit me kombëtaren.
