Pas shkarkimit të Unai Emery, klubi i Arsenalit caktoi si trajner të përkohshëm Freddie Ljunberg.
Por gjithsesi eksperienca në pankinë e ish-lojtarit të Arsenal, nuk pritet të jetë e gjatë, pasi sipas mediave angleze, emri më i lakuar për të pasuar Emeryn është Nuno Espirito Santo.
Arsenali ka nisur kontaktet e para me trajnerin aktual të Wolverhampton dhe janë të gatshëm edhe të paguajnë dëmshpërblimin për prishjen e kontratës.
Portugezi 45-vjeçar që drejton “ujqit” që prej vitit 2017 është ngacmuar edhe më parë për një kalim tijin te londinezët. Nuno është treguar diplomatik, teksa në konferencë për shtyp i është kthyer me këtë batutë gazetarit: “Mendoj se më njeh mjaftueshëm dhe e di që nuk do të përgjigjem rreth kësaj”.
