Juristja Enida Bozheku e ftuar në emisionin “360 Gradë” në RTV Ora tha se pas tërmetit të fortë në Durrës, ku qytetarët u detyruan të lënë banesat, ndërsa dhjetëra kanë mbetur viktima, kishte shumë njerëz të uritur.
Pjesë nga intervista:
Enida Bozheku: Konkretisht në Durrës,Thumani ishte më i organizuar falë ushtrisë. Këtë mund ta them. Por Durrësi të paktën këtë 24 orëshin e fundit ishte një katastrofë totale. Njerëzit nuk dinin se çfarë të bënin. Të vetmit që kanë mbajtur qetësi të akullt kanë qenë forcat e policisë së Kosovës dhe forcat e policisë tonë. Por nuk mbahet me polic. Unë po them realitetin. Po them çfarë kam parë. Njerëzit vinin të uritur, duam bukë, duam këtë. Iu çua shumë por ka akoma për tu çuar. Ajo që më shqetëson mua tani në valën e parë. Këto njerëz janë strehuar me të vërtetë në hotele dhe të parët që e nisën aktivitetin e hoteleve dhe i vunë në dispozicion, ka ardhur një moment që duhet t’u japim meritat atyre njerëzve që e meritojnë. Le ta themi përtej gjithçkaje që vetëm shteti shqiptar nuk është, por që janë të gjithë vullnetarët duke filluar dhe te rrjeti i hotelerisë. Nuk ishte shteti. Ajo përfitoi nga kjo.
