Ndërpritet operacioni i kërkim-shpëtimit në Thumanë, atje ku nga tërmeti i 26 nëntorit humbën jetën 23 persona.
Burime zyrtare nga Ministria e Mbrojtjes bënë të ditur ndërprerjen e operacionit, ndërsa 3 trupat e pajetë të fundit u nxorrën nga rrënojat mëngjesin e sotëm.
‘Aktualisht në Thumanë operacioni i kërkim shpëtimit është ndërprerë, pasi nuk ka informacion për trupa të tjerë nën rrënoja”, bëri të ditur Ministria e Mbrojtjes.
Nga tërmeti i dy ditëve më parë, me magnitudë 6.4 të Shkallës Rihter, humbën jetën 39 persona. Ky ishte tërmeti më i fortë që ka goditur Shqipërinë prej 15 prillit 1979, ku humbën jetën 35 persona.
