Skuadra e Tottenham, e gjeti veten në disavantazh të dyfishtë brenda 19 minutave lojë ndaj Olympiakos, por më pas skuadra e drejtuar nga Mourinho realizoi përmbysjen e madhe, me anë të dygolëshit të Harry Kane, dhe me rrjetat e Delle Alli dhe Serge Aurier.
Kjo kthesë e rezultatit, sipas Jose Mourinhos erdhi dhe si pasojë e një djaloshi i cili kap topat e ndeshjes duke ndihmuar në mbarëvajtjen e lojës, ku kapësi i topave shpejtoi rinisjen e lojës për Aurier, aksion në të cilin erdhi dhe goli i barazimit.
Në përfundim të ndeshjes Mou shkon ti japë dorën djaloshit dhe ta falënderoj, dhe në intervistën për “BBC Radio Live” ai deklaroi:
“Më pëlqejnë kapësit e topave inteligjent si ai djalosh. Edhe unë kam qenë brilant në këtë aspekt kur isha fëmijë”.
“Ai nuk është aty vetëm për të shikuar dritat, stolin apo të humbasë në mendime. Ai e përjeton lojën duke e lexuar atë. U përpoqa për ta ftuar atë për të festuar me skuadrën por më pas nuk e pashë më, kishte ikur”.- tha Mourinho për “BBC Radio Live”.
