Pas tërmetit 5.3 ballë që ra pranë Durrësit, kanë rinisur operacionet e shpëtimit. Në Thumanë dhe në Durrës grupet e shpëtimit kanë rifilluar heqjen e rrënojave, me shpresën se mund të gjejnë të mbijetuar të tjerë.
Deri më tani janë shpëtuar 46 persona, ndërkohë që disa të tjerë janë nxjerrë të pajetë nga rrënojat. Janë më shumë se 30 tërmete që janë ndjerë në Tiranë dhe Durrës, që pas lëkundjes 6.4 ballë. Shumë qytetarë janë larguar nga Tirana dhe Durrësi.
