Zinedine Zidane ka shprehur përsëri admirimin e tij për lojtarin e Paris Saint Germain, Kylian Mbappe, përpara sfidës me skuadrën Franceze ditën e sotme.
Mbappe përflitet prej kohësh me një lëvizje të ardhshme në Madrid dhe mbrëmjen e sotme ai do të ketë mundësinë të lërë përshtypje te tifozët madrilenë.
“E dini që e kam njohur atë prej shumë kohësh. E dua Mbappen fillimisht si person sepse ai erdhi këtu shumë kohë më parë për një seancë stërvitore prove.
“Por tani ai është kundërshtar, dhe kështu nuk mund të them më shumë”.- tha Zidane në konferencën për shtyp.
Ndërsa duke folur për ndeshjen dhe humbjen në ndeshjen e parë ndaj PSG-së, ai përgjigjet:
“Është ndeshja më e rëndësishme e sezonit. Do të luajmë ndaj një skuadre shumë të mirë dhe duhet të jemi të përgatitur”.
Që nga hera e kaluar kur u përballëm shumë gjëra kanë ndryshuar, kjo është një ndeshje tjetër. – përfundoi Zidane.
