Një tjetër tërmet i fuqishëm është shënuar në vend. Fillimisht, Qendra Europiane e Sizmologjisë, raportoi se tërmeti me magnitudë 4.5, goditi në orën 13:14. Më pas, magnituda u llogarit 4.
Epiqendra u shënua 11 km larg nga Shijaku dhe 30 km nga Tirana me thellësi 10 km.
Në Thumanë, ku vijon operacioni i shpëtimit, tërmeti është ndjerë i fortë, por fatmirësisht ka zgjatur pak sekonda.
Ndërkaq, Ministria e Mbrojtjes ka njoftuar se 13 persona kanë humbur jetën si pasojë e lëkundjeve të forta.
IGJEUM, edhe pse ka raportuar se goditja kryesore ka kaluar, ka këshilluar qytetarët në zonën epiqendrore të qëndrojnë jashtë pasi pasgoditjet që përvijojnë mund të shkaktojnë dëmtime të mëtejshme.
