Një lajm i bujshëm është bërë i ditur nga “France Football”, ku sipas revistës franceze, Messi i ka bërë të ditur brazilianit Neymar të transferohet para vitit 2021 te Barcelona sepse pas 2 sezonesh do të jetë vetë ylli argjentinas që do të largohet nga blaugranat.
“Së bashku mund të fitojmë Ligën e Kampioneve, dua që të rikthehesh. Pas 2 viteve do të largohem, kështu që do të mbetesh vetëm dhe do të marrësh vendin tim”. – mësohet të ketë qenë biseda mes Messit dhe Neymar.
Sinjale këto se 5-herë fituesi i Topit të Artë po luan sezonin e tij të parafundit me Barçën dhe do të largohet pikërisht në vitin që do t’i skadojë kontrata në verën e 2021-t, kur Messi të jetë 34 vjeç.
