Një perlë e Paulo Dybala i ka dhënë Juventusit fitoren minimale 1-0 ndaj Atletiko Madrid, duke i siguruar kampionëve të Italisë vendin e parë në Grupin e Ligës së Kampioneve.
Skuadrës së Sarrit i është dashur të djersijë përballë ekipit të Simeones, si gjithmonë luftarak dhe vetëm një goditje dënimi magjike e argjentinasit i siguroi tri pikët e gjithashtu vazon e parë në shortin e turneut.
Bajer Leverkusen ka marrë sot një fitore shumë të rëndësishme ndaj Lokomotiv Moskës, duke fituar 2-0 në transfertë dhe duke u kthyer provizorisht në garë për kualifikimin. Një autogol dhe goditja e Bender në fillimin e pjesës së dytë i dhanë suksesin gjermanëve që ndjekin hap pas hapi Atletiko Madrid.
Ekipit të Simeones, i duhet të sigurojnë kualifikimin në ndeshjen e fundit në grup ku do të përballen ndaj Lokomotivës së Moskës.
