Dy persona kanë grabitur banesën e 3 studentëve në orët e para të mëngjesit të sotëm. Autorët nën kërcënimin e thikës, u kanë marrë studentëve 80 euro.
Njëri prej tyre u arrestua, ndërsa tjetri është në kërkim policor.
Ngjarja
Burime zyrtare nga policia lokale bënë me dije se: Në një banesë në lagjen nr. 15, Durrës, në të cilën banonin me qira tre studentë, rreth orës 04:00 të mëngjesit kanë hyrë dy persona dhe nën kërcënimin e një thike u kanë marrë 800 euro.
Njëri prej studentëve ka njoftuar Policinë dhe është vënë në ndjekje të autorit. Falë ndihmës së banorëve të zonës është bërë e mundur kapja në flagrancë e njërit prej autorëve, konkretisht S. A., 22 vjeç, banues në Vlorë, me precedent penal në fushën e vjedhjes.
Si rezultat i veprimeve të para të kryera nga specialistët për hetimin e krimit në Komisariatin e Policisë Durrës u bë i mundur identifikimi i autorit tjetër S. A., banues në Vlorë dhe vijon puna për kapjen e tij.
Autorët e dyshuar kishin disa ditë që jetonin me qira në një nga hyrjet e pallatit ku jetonin edhe tre studentët.
Në cilësinë e provës materiale u sekuestruan 4 telefona , dy çanta dore dhe një sasi parash.
Vijon puna për dokumentimin e plotë të ngjarjes dhe kapjen e personit të shpallur në kërkim, njoftpo policia, ndërsa materialet i kaluan Prokurorisë së Rrethit Gjyqësor Durrës, për veprime të mëtejshme.
