Dortmund do të luajë ndaj Barcelonës në “Camp Nou” mbrëmjen e së mërkurës, një sfidë që mund të vendosë shumë për sa i përket fateve të kualifikimit.
Në kuadër të takimit, verdhezinjtë kanë marrë një lajm mjaft të hidhur, teksa Paco Alcacer nuk ia ka dalë të rikuperohet në kohë për të qenë i gatshëm për trajnerin Favre.
Spanjolli la fushën e lojës i dëmtuar në sfidën e së premtes ndaj Paderborn, ku pavarësisht përpjekjeve, nuk ka mundur ta hedhë pas krahëve dëmtimin e pësuar.
