Ditën e djeshme u luajtën pjesa më e madhe e ndeshjeve të Premier Ligës, ku bien në sy fitorja 2-1 e Manchester City ndaj Chelseat, barazimi 2-2 i Arsenalit në shtëpi ndaj Southhampton, dhe fitorja në transfertë e Tottenham ndaj West Ham 2-3.
Ndërsa ditën e sotme në orën 17:30, Manchester United luan në transfertë ndaj Sheffield United.
United vjen në këtë ndeshje pas fitores ndaj Brighton në shtëpi, dhe do të kërkojë fitoren e dytë radhazi për tu ngjitur në tabelën e kryesimit, pasi aktualisht ndodhen në vendin e dhjetë me 16 pikë të grumbulluara. Një fitore e mundshme, do t’i ngjiste “djajtë”, lart në vendin e pestë të klasifikimit.
Java e 13-të e kampionatit anglez, mbyllet ditën e nesërme me sfidën mes Aston Villas dhe Newcastle.
