Roza Lati është një nga moderatoret më të ndjekura dhe më të përfolura në media . Sonte në emisionin e saj “WHY NOT” ajo do të ketë të ftuar reperen Baby G dhe njëkohësisht ka ironizuar dhe gazetarin Ilir Yzeirin i cili para një viti i pati ofenduar publikisht të dyja vajzat. Këtë ajo e ka bërë të ditur me anë të një postimi në Instagram ku shkruante:
“Sonte ne WHY NOT është e ftuar Baby G. Meqë vjet na akuzoi Ilir Yzeiri dhe na ofendoi publikisht, sot ne do i tregojne Yzeirit QE JEMI BERE GOCA TE MIRA! Kemi lene barin, kemi filluar miellin”.
Kujtojmë që një shkrim i bërë nga gazetari Ilir Yzeiri, ka prekur rëndë Roza Latin vitin e kaluar dhe ajo pati vendosur ta hedhë në gjygj. Ilir Yzeiri me sa duket nuk e kishte parë mirë pjesën ku moderatorja ka theksuar se cigaret po bëhen me duhan Tabaco, dhe ka vërshuar në një lumë kritikash kundrejt dy vajzave.
Gazetari Ilir Yzeiri ka bërë një shkrim për këtë ‘kakofoni’ me titullin: “Pse nuk reagon AMA dhe Policia e Shtetit për dy ‘delinquentet’ e ‘Ora News’”
“Nuk kam ndërmend të shpjegoj për këto dy vajza mendjelehta dhe pa integritet se çfarë është kultura dhe edukimi dhe se si përmes artit dhe kulturës njerëzit më së shumti argëtohen, por edhe edukohen me ndjenja të thella. Nuk është ky qëllimi i këtij reagimi. E kam fjalën tjetërkund. Cilido transmetues public qoftë privat, qoftë jo, është i detyruar t’u përmbahet disa rregullave dhe ligjeve të shkruara. Atë hapësirë që të jep televizoni apo cilado media tjetër, askush nuk mund ta përdorë për të kryer vepra penale.”-shkruan gazetari Ilir Yzeiri në një shkrim në JavaNews.al.
I menjëhershëm ka qenë dhe reagimi i Roza Latit, ku ka thënë që bashkë me gazetarin Ilir Yzeiri do të shihen në gjykatë.
“Zoti Beqja lexova materialin nga ana juaj, që përpos titullit që mund të keni, flisni me tendencë për mua Roza Latin dhe të ftuarën time. Mendoj se gjeja e parë që duhet të bësh është të futesh dhe të shohësh emisionin nga fillimi deri në fund dhe të bindesh që si nga ana vizuale, ashtu dhe nga biseda jonë, jemi prononcuar që dredhim një cigare me duhan, tabako. Kjo është minimialja që duhej të bëje për të mos arritur në konkluzione të gabuara.
Gjithsesi faleminderit për vëmendjen. Sa për marijuanën, është një temë që është diskutuar e stër diskutuar, që nga studiot e ndryshme televizive shqiptare, që nga lajmet e ekraneve, që nga sallat e parlamentit, e deri në çdo tavolinë shqiptare. Më lejo të të them zotëri që nuk jemi aq të krisur sa te rrezikojmë e të dredhim marijuana në studio, sepse këtë gjë ja kemi lënë videoklipeve që dalin përditë. Ne bëjmë SHOW. Ecim me stilin e të ftuares, dhe shpjegojmë çdo gjë në mënyrë transparente duke lënë fantazinë e njerëzve të vihet në punë ashtu siç e bëtë edhe ju.
Sidoqoftë, për këtë baltë që hodhe mbi figuren time, bashkë do shihemi në gjyq. Me pika ashtu siç i keni rreshtuar ju. Paralelisht po më shkruajnë shumq femra dhe çfarë i keni bërë ju çdo vajzë e gruaje që punonte te zëri rinisë pas vitetve 90’ me ty kryeredaktor…. kush femër e njeh këtë zotin Beqja në fazën që ka qenë kryeredakor të më lerë një koment… sepse s’dua ti besoj këto që me vijnë në inbox.”-shkruante moderatorja, Roza Lati në Instagramin e saj.
