Luhen sot tetë takime të Premier Ligës Angleze, ku bie në sy kryendeshja e ditës, ajo mes Manchester City dhe Chelseat, e cila luhet në orën 18:30.
City vjen në këtë përballje pas humbjes ndaj Liverpulit, 3-1 dhe aktualisht ndodhen në vendin e katërt me 25 pikë, një pozicion më sipër ndodhet ekipi i drejtuar nga Frank Lampard që duhet thënë janë në një formë të jashtëzakonshme ku regjistrojnë 6 fitore radhazi në kampionat.
Ekipi i Guardiolës, do t’i duhet të bëjë pa Bernardo Silvan, Leroy Sane dhe mbrojtësin Laporte, ndërsa për Chelsean në dyshim është Christian Pulisic dhe Callum Hudson-Odoi.
Një tjetër përballje ku do të kthehet vëmendja është ndeshja që Tottenham zhvillon në transfertë ndaj West Ham. Ndeshje kjo që nis “erën” Mourinho nën drejtimin e Tottenham.
Skuadra londineze nuk arrin të fitojë prej 5 ndeshjesh në kampionat, ku gjendet në vendin e 14-të, me 14 pikë në 12 javë kampionat.
Ndeshja luhet në orën 13:30.
