Paris Saint Germain mundi me lehtësi Lillen 2-0, në takimin e vlefshëm për javën e 14 të kampionatit dhe ngjitet në kuotën e 33 pikëve, duke kryesuar me 11 pikë avantazh nga ndjekësit.
Sfida u zhbllokua nga Icardi në minutën e 17-të pas një pasimi të Gueye, ndërsa pak minuta më vonë, Di Maria dyfishoi rezultatin duke e kthyer ndeshjen në një rutinë për kampionët e Francës.
Pjesa e dytë ishte me raste të shumta për të dy skuadrat, teksa trajneri Tuchel hodhi në fushë edhe Mbappe e Cavanin, por rezultati nuk ndryshoi.
Për tu përmendur është fakti, që në këtë sfidë u rikthye nga një dëmtim relativisht i gjatë i brazilianit Neymar, i cili ndryshe nga se mendohej e nisi ndeshjen nga minuta e parë duke u zëvendësuar më pas në të 64-ën.
