Për herë të parë në Shqipëri do të organizohet ‘HHI Albania’ (Hip-Hop International Albania), ku grupe të ndryshme kërcimi nga Shqipëria dhe Kosova, do të marin pjesë për të konkuruar e më pas për të përfaqësuar Shqipërinë në ‘Hip-Hop International 2020’ i cili do të zhvillohet në Arizona.
E drejta ekzksluzive për këtë organizim, është e koreografit të njohur Tan Brama sëbashku me Erduan Xhaferi dhe Albano Braimllari.
***
Në një prononcim për Boldnews.al, Tan Brama u shpreh se së fundmi është licensuar nga USA për të organizuar ‘HHI Albania’ me qëllim përfaqësimin e Shqipërisë në ‘HHI 2020’.
Ky kompeticion do të organizohet me tre raunde ku përfshihen edhe workshope me koreografë të huaj. Pjesmarrës do të jenë grupe të ndryshme kërcimtarësh shqiptarë nga Irlanda, Greqia dhe Holanda, etj.
Aplikimet për të qenë pjesë e këtij kompeticioni madhështor do të bëhen në muajin Janar të këtij viti, konkursi në muajin prill dhe grupi i cili do të shpallet fitues do të përfaqësojë Shqipërinë në ‘HHI 2020’ në muajin Gusht të vitit të ardhshëm.
