Kreu i PD-së, Lulzim Basha gjatë qëndrimit në Gjermani, ku mori pjesë në punimet e Kongresit të CDU-së, ka zhvilluar një takim me Johan Wadephul. Lajmin e ka bërë vetë me dije lideri opozitar, përmes një reagimi në twitter.
Ai thekson se PD është e angazhuar maksimalisht për zbatimin e kushteve të vendosura nga Bundestagu gjerman, si një udhërrëfyes për të dalë nga kriza e rëndë politike në të cilën vendi ndodhet prej kohësh.
“Takim i shkëlqyer me Johan Wadephul. PD e angazhuar për zbatimin e kushteve të Bundestagut për Shqipërinë, si udhërrëfyesi për daljen nga kriza e thellë politike dhe drejt integrimit në BE përmes demokracisë, sundimit të ligjit dhe zgjedhjeve të lira dhe të ndershme. #Leipzig # cdupt19”, ka shkruar Basha në twitter.
