Policia ka arrestuar tre persona, pasi në bashkëpunim me njëri-tjetrin shpërndanin lëndë narkotike, kokainë.
tre shtetasit e vënë në pranga janë: D. A., 39 vjeç, banues në Maminas, Durrës; E. H., 21 dhe K. Q., 26 vjeç, të dy banues në Kamëz,Tiranë.
Specialistët për Hetimin e Narkotikëve në bazë të informacioneve të marra arrestuan në flagrancë shtetasin D. A., në lulishten e një picerie në Ishull Lezhë. Gjatë kontrollit, uniformat blu i gjetën 160 gr. lëndë narkotike e dyshuar kokainë, të cilën do ta shpërndante në doza të vogla, njoftojnë autoritetet.
Si rezultat i veprimeve të shpejta u bë i mundur identifikimi dhe arrestimi edhe i dy bashkëpunëtorëve të tij, të cilët e prisnin në lulishten e picerisë, me një automjet që drejtohej nga shtetasi K. Q. dhe pasagjer E. H., të cilët së bashku do ta shpërndanin lëndën narkotike në doza.
