Reperi Mozzik ka folur për herë të parë pas ndarjes me ish-bashkëshorten e tij me të cilën kan edhe një vajzë, duke komentuar edhe për skandalin që ndodhi në Zvicër me disa mijëra franga që dyshohet se Loredana ia mori një çifti.
Mozzik ka thënë për ’20 minuten’, se është duke qëndruar në Kosovë derisa gjatë ditës së nesërme do të kthehet për në Zvicër, për të dhënë një koncert në Rinora 4.
Mozzik tha se e do Zvicrën dhe banorët e saj, sepse janë të zellshëm dhe punojnë shumë.
Reperi kosovar shtoi se i urren makinat e shtrenjta dhe bizhuteritë, por, thotë se kjo është vetëm një pjesë e stilit të jetesës së çdo reperi. Derisa ka folur për atë që e bën të lumtur, Aliu ka përmendur vajzën e tij, Hanën.
“Familja ime, vajza ime e dashur Hana dhe puna ime”, thotë ai, derisa, deklaron se kënga ‘Dhelpër dinake’ nuk është dedikim, pasi që e kishte shkruar dy vite më parë.
“Loredana është nëna e vajzës time. Unë kurrë nuk do të thoja asgjë të keqe për të”, tha, derisa përmendi herën e parë kur e takoi atë.
“Kemi shkruar së bashku në Instagram dhe mendova se është grua e shkëlqyer. Prita një javë dhe kemi shkruar përsëri. Në ditën e Shën Valentinit katër vite më parë, u takuam. Shkuam në një restorant dhe na shikuan të gjithë. Jemi ndarë sepse nuk funksionoi më, janë gjëra private, kjo mund të ju ndodhë të gjithëve. Koha me Loredanën ishte e shkëlqyeshme. Por ndonjëherë ka një moment të tillë në jetë – kjo është kur u ndava me Lorin. Atë do ta respektoj për një jetë të tërë”, shton ai, derisa flet edhe për vajzën
“Unë jam në kontakt me të çdo ditë përmes videove. Herën e fundit që e pash është para dy muajsh, por, ajo më mungon çdo ditë. Do ta shoh në dhjetor pasi ajo ka ditëlindjen”, shton ai.
Mozzik ka thënë se nuk e ka problem që të humb letrat e Zvicrës pas divorcit dhe shton se Loredana ka një zemër të madhe dhe i do njerëzit, mirëpo, përsëri duhet të ndryshojë.
Reperi nga Ferizaj nuk ka pranuar që të komentojë se sa të rëndësishme janë paraja dhe luksi për ish-gruan e tij, derisa, nuk foli as për lajmet se Loredana ka mashtruar një çift nga Valais duke iu marrë mijëra franga, raporton ‘Gazeta Insjaderi’.
“Ishte tre ose katër ora e pasdites. Zyrtarët e policisë po silleshin aty afër dhe unë u ofrova diçka që të hanin dhe të pinin. Unë isha në shok sepse nuk e dija për cfarë bëhej fjalë. Ishte ndjenjë shumë e keqe”, shton ai në 20min.
“Policia kreu një kontroll në shtëpi. Unë mendoj se morën fatura. Pastaj Loredana duhej të shkonte me ta për t’iu përgjigjur disa pyetjeve. Ndërkohë, unë kam qenë duke pritur me Hanën në shtëpi. Më vonë zgjodha përsëri Lorin. Jo. Unë dua të besoj që ajo nuk e bëri atë. Shpresoj që ajo nuk e bëri atë. Edhe sikur të doli që ajo e bëri, unë do të mendoja se nuk e bëri”, tha ai.
