Ditën e sotme është mbledhur Komisioni Hetimor për shkarkimin e Presidentit Ilir Meta.
Ulsi Manja, kryetari i Komisionit bëri të ditur se një material sekret ka ardhur në këtë komision nga kreu i shtetit. Ai i kujtoi anëtarëve se nxjerrja e këtij informacioni përbën vepër penale.
Në mbledhjen e sotme të komisionit pritet të shqyrtohet opinioni i Komisionit të Venecias, i cili deklaronte se Kreu i Shtetit kishte tejkaluar kompetecat por që nuk mund të shkarkohej. Gjithashtu pritet të shqyrtohet kërkesa e PS-së për emërimin e Marsida Xhafferllarit si anëtare e Gjykatës Kushtetuese dhe raporti sekret i SHISH, mbi të cilin Meta pretendon se është bazuar për anullimin e zgjedhjeve të 30 Qershorit.
