David McAllister, kryetar i Komisionit të Jashtëm në Parlamentin Europian dhe anëtar i Kryesisë së CDU-së, ka bërë një përshëndetje të veçantë sot për kryetarin e PD Lulzim Basha.
Ndryshe nga protokolli i përhershëm, Basha është përshëndetur nominalisht nga David McAllister, një ndër figurat kryesore të CDU.
Në cilësinë e drejtuesit të sesionit plenar të Kongresit të CDU që zhvillohet në Lajpcig, McAllister e cilësoi liderin e opozitës shqiptare ‘si një nga miqtë e veçantë’ të partisë së kancelares Merkel.
Kryetari i PD është i ftuar në punimet e kongresit të Kristian-Demokratëve gjermanë.
David McAllister u angazhua për zgjidhjen e krizës politike të 2017, madje duke ofruar edhe një paketë që u quajt “McAllister”.
