Në një intervistë për “Sky Sports”, mbrojtësi brazilian Danilo, ka folur ndër të tjera për trajnerin Maurizio Sarri, sikurse dhe për garën e bardhezinjve ndaj Inter për të mbrojtur titullin në Seria A.
“Të ndryshosh sikurse ka bërë Juventus nuk është e thjeshtë. Ka ndryshuar trajnerin dhe mënyrën e lojës. Mendoj se nevojitet kohë për të përshtatur gjithçka”.
“Më kujtohet për shembull, Manchester City i Guardiolës, që u deshën dy vite që të niste të luante ashtu siç e kërkonte trajneri”.
“Sarri kërkon të implementojë një sistem loje që më pëlqen shumë, duke tentuar të shtypë kundërshtarin nëpërmjet lëvizjes së topit sam ë shpejt e mundur. Por nevojitet kohë, që futbollistët të ndjehen komod me këtë sistem loje”.
“Jam i lumtur që ndodhemi në vend të parë dhe mund të përmirësohemi akoma. Do të thotë se mund të synojmë të fitojmë gjithçka”.
“Inter po bën shumë mirë, por sezoni është shumë i gjatë. Duhet të mendojmë për veten tonë, të mos shohim të tjerët. Ky është rrugëtimi më i mirë për tu ndjekur, për të arritur objektivin tonë”.
