Një aksident automobilistik është regjistruar para pak minutash në Unazën e Re (Astir) në kryeqytet. Ngjarja ka ndodhur pranë mbikalimit.
Tre automjete janë përplasur me njëra-tjetrën, por fatmirësisht nuk ka njerëz të lënduar por vetëm dëme të konsiderueshme materiale. Automjeti tip “Ford” me ngjyrë të kuqe nga përplasja e fortë dhe si pasojë e ndonjë shkëndije elektrike është parë të nxjerrë tym.
Policia ndodhet në vend ngjarje dhe po punon për zbardhjen e shkaqeve të aksidentit.
