Vendi jonë nuk gjen paqe nga lëkundjet sizmike. Një tjetër tërmet u regjistrua gjatë orëve të para të mëngjesit të kësaj të enjteje.
Raportohet se tërmeti ka qenë me magnitudë 3.2 të shkallës Rihtrer. Epiqendra e tij ka qenë në fshatin Pandalejon të Sarandës, 15 km në veri të Konispolit dhe 173 km në jug të Tiranës. Mësohet se thellësia e tij ka qenë 2 km.
Nuk raportohet për dëme materiale.
Kujtojmë se një tërmet i fuqishëm 5.8 ballë goditi Tiranën dhe Durrësin më 21 shtator, ku dhjetra persona u plagosën dhe u dëmtuan shumë banesa.
