Sipas ish-futbollistit, Jamie Redknapp, Jose Mourinho dhe presidenti i Tottenham, Daniel Levy, janë një dyshe e çuditshme për të qenë bashkë, pasi përgjatë karrierës së tyre kanë ndjekur rrugë të ndryshme.
Në një intervistë për “Sky Sports News”, Redknapp beson se pavarësisht fjalëve të mira të Levys për Mourinhon, të dy duhet të adaptohen për ta bërë bashkëjetesën midis tyre të funksionojë.
“Dyshe e çuditshme, kjo është e sigurt. Do më pëlqente shumë të isha në mbledhjen që ata kanë pasur sepse me siguri ata i kanë thënë njëri- tjetrit pikërisht atë çfarë kanë dashur të dëgjojnë”.
“Daniel Levy nuk dëshiron të shpenzojë shuma të mëdha për lojtarët, ai përpiqet të investojë në lojtarë të rinj që kanë potencial të madh. Kjo është në kundërshtim me atë çfarë ka bërë Mourinho”.
“Besoj se në një pikë, një përplasje mes tyre do të ndodhë pikërisht nga kjo ndasi që kanë”.
