Qëndrimi i ambasadës amerikane për Gjykatën Kushtetuese ka sjellë pakënaqësi te qytetarë të shumtë. Ambasada sugjeroi këtë të enjte që për zgjidhjen e ngërçit në Kushtetuese të japë opinion “Komisioni i Vencias”. Por, për shumë qytetarë, ky qëndrim është një shërbim që po i bëhet kryeministrit Edi Rama.
Përmes një reagimi, postuar dhe në faqen zyrtare në FB, ambasada shprehej për “kalimin e topit” te Venecia. “Në mungesë të një institucioni të përshtatshëm ligjor, i cili mund të vendoste mbi intepretimet e kundërta, Shtetet e Bashkuara mbështesin çuarjen e çështjes në Komisionin e Venecias, si një palë e tretë kompetente dhe e paanshme, për opinionin e tij ligjor. Gjithashtu, nxisim palët kundërshtuese që të respektojnë opinionin ligjor të Komisionit të Venecias. Ecja në këtë drejtim do të ishte tërësisht në përputhje me aspiratat europiane të vendit”, shkruhet në reagim.
Komentet
Shumica e reagimeve në komentet e postimit të ambasadës, shprehen kundër këtij qëndrimi të selisë diplomatike. Shumë syresh deklarojnë se me këtë reagim, ambasada po i vjen në ndihmë kryeministrit Edi Rama dhe se po punon në mbrojtje të tij. Në komente, i kujtojnë ambasadës se si ka heshtur për shumë skandale të qeverisë.
Të tjerë kërkojnë ardhjen e ambasadores së re amerikane në Tiranë Yuri Kim, ndërsa shprehen se aktualisht, selia diplomatike është e mbushur me “ushtarë të Sorosit”.
Nuk mungon as ironia në komentet e qytetarëve. Dikush shprehet: Ta çojnë në komisionin e pescaras me mirë!
Një ndër komentuesit është edhe gazetari Dritan Kaba, i cili shprehet se “çuarja e zgjedhjes së anëtareve te Gjykatës Kushtetuese në Venecia është shtyrja e ngritjes së saj në kalendat greke”.
“Pse duhet çuar tek Komisioni i e ecias kur ju nuk pyetet dhe dhate autorizimin e turpshem per zgjedhejen e Prokurores se Pergjithshme me 69 vota ne kundershtim me rekomandimet e Komisionit te Venecias dhe nuk hetoi asnje nga çeshtjet e korrupsionit as te vjedhjeve te votave por vetem liroi nga burgu kriminelet me te rrezikshem te Shqiperiae edhe te njohur edhe nderkombetarisht per “bemat” e tyre. E di si me gjami, nuk keni asnje ndryshim me ato palo diplomate qe akuzojne Presidentitn Trump pa asnje fakt. Jeni i njejti gatim i peshtire qe te ben te vjellesh. Mos u mundoni te kujtoni se ju num do beheni shembull. Shume shpejt do jeni nje soj si Volker etj. Njerez qe shisni moral dhe jeni mes orgjie, ja keto jeni! Nuk ka femije ne kete vend qe nuk e di qe Komisioni i Venecias eshte nje organ keshillues qe nuk eshte marre asnjehere nga keta rilindas edhe “juristet” tuaj rekomandimet e tij. Çfare mund te thoni per ligjin e pronave?! Çfare mund te thoni per parashikimin e sakte qe kjo loje e vetingut do bente te mundur kapjen e organeve te reja drejtuese si KLP, KED dhe KLGJ ashtu edhe prikurorin e pergjithshem nga mafia ne pushtet? Jo nuk flisni! Çuarja e zgjedhjes se anetareve te Gjykates Kushtetuese ne Venecia eshte shtyrja e ngritjes se saj ne kalendat greke. Nderkohe qe sipas informacioneve tuaja do ngrihej ne korrik”, shkruan ai.
Reagimi nga Presidenca
Presidenca reagoi menjëherë pasi Ambasada Amerikane në Tiranë kërkoi që situata në Gjykatën Kushtetuese të zgjidhet me një opinion të Komisioni të Venecias.
Zëdhënësi i Metës, Tedi Blushi deklaroi se ‘tymi i Venecias’ është turpi më i fundit i një grupi të strukturuar diplomatik në Tiranë. Në një postim në rrjetet sociale, ai shprehet: ”Mjaft më ‘Rule of Embassy’. Është koha për “Rule of Law” si çdo vend demokratik”.
“Rruga e Elbasanit të çon në Elbasan, shton, dhe Rama e përdor dhe për në Xibrakë”, lokalitet ku disa vite më parë u zbulua një laborator kokaine.
“Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të Kryetarit të Shtetit. Tymi i Venecias që hodhi me porosi të Ramës, Ambasadori në ikje i Agaçit pak ditë më parë, është turpi më i fundit i grupit të strukturuar diplomatik në Tiranë, bashkëfajtor për dhunimin sistematik të Reformës në Drejtesi dhe me qëllim kapjen e saj të plotë nga Regjimi monist i Edi Ramës. Mjaft më ‘Rule of Embassy’. Është koha për “Rule of Laë” si çdo vend demokratik. Rruga e Elbasanit të çon në Elbasan dhe Rama e përdor dhe për në Xibrakë! Rruga e Kavajës të çon në Kavajë! Vetëm rruga e Kushtetutës na çon në Europën e Bashkuar!”, shprehet Blushi në reagimin e tij.
