Partizani fitoi titullin kampion duke u rikthyer te sukseset sezonin e kaluar, ndërsa sivjet vazhdon të kryesojë me meritë të plotë. Dy afrimet më të rëndësishme të merkatos së “Demave” ishin William Cordeiro nga Kukësi dhe sulmuesi Theophilus Solomon.
I pari ka mbajtur peshë në ekip, por i dyti pavarësisht cilësive të padiskutueshme, nuk ka arritur ende aty ku duhet.
Interesant është fakti se të dy nuk kanë ardhur vetëm, por si paketë e plotë, pasi kanë tërhequr pas vetes dhe vëllezërit e tyre. Vëllai i Melos dhe ai i Solomonit po stërviten me Partizanin B mëson Telesport.
Të kuqtë nuk i kanë në plane, pasi nuk kanë cilësi por kanë pranuan kërkesën e futbollistëve të tyre për t’i integruar në skuadrën e dytë. Ata po stërviten me trajnerin Dritan Mehmeti dhe kanë filluar dhe të miqësohen me lojtarët e ekipit tjetër të kryeqytetasve.
