Lacio vazhdon të tërhiqet nga futbollistët shqiptarë. Klubi njihet për strategjinë që bazohet te lojtarët e rinj dhe duket se “ngjyrat” kuqezi kanë nisur ta verbojnë së tepërmi.
Një gjë të tillë e konfirmon mediumi italian “La LazioSiamoNoi.it”, me drejtorin sportiv, Igli Tare që kërkon edhe futbollistë tjerë shqiptarë në kryeqytetin italian.
Marash Kumbulla, mbrojtësi shqiptar i Hellas Veronas është objektivi më i rëndësishëm për Lazion për momentin.
Një tjetër emër është Amir Rrahmani, mbrojtësi prishtinas, i cili gjithashtu luan te Hellas Verona.
Dyshja e Hellas Verona po shkëlqejnë këtë edicion dhe nuk është çudi që në edicionin e ri t’i shohim me një tjetër fanellë.
