Policia e Tiranës ka zhvilluar gjatë natës një operacion antidrogë, gjatë së cilit ka sekuestruar një sasi të konsiderueshme lënde narkotike heroine armë zjarri e sende të tjera, konfirmuan burime zyrtare nga policia.
Policia ka shoqëruar disa persona, shtuan të njëjtat burime.
Operacioni vijon, ndërsa në përfundim të tij pritet një komunikim zyrtar.
Ndërkaq, burime policore bënë me dije se është ndaluar një automjet me të cilin lëviznin dy të rinj nga Berati. Nga kontrolli në mjet, sipas të njëjtave burime, është gjetur rreh 4 kg heroinë dhe armë zjarri, që është sekuestruar dhe dy personat e pranishëm në mjet janë vënë në pranga.
Ndërkohë, disa të tjerë janë shoqëruar lidhur me ngjarjen.
