Partitë Popullore Europiane zhvilluan në Zagreb, një samit, ku ishte i pranishëm edhe kryetari i PD-së, Lulzim Basha.
PPE aprovoi një draft-rezolutë emergjente përmes të cilës ftohet Këshilli dhe shtetet anëtare të Bashkimit Europian që të marrin një vendim pozitiv sa më shpejt që të jetë e mundur për çeljen e negociatave të anëtarësimit me Shqipërinë dhe Maqedoninë e Veriut.
Gjithashtu, në këtë samit u zgjodh si drejtues i PPE-së, Donald Tusk, i cili zëvendësoi Joseph Daul.
Tusk është një avokat i mirë i integrimit të Shqipërisë në BE. Ai u angazhua sërish që të vazhdojë mbështetjen për nisjen e negociatave. Edhe kancelarja Angela Merkel tha se do të vazhdojnë diskutimet me Francën për këtë çështje.
“Tani do të flasim me Francën, do e bëjmë në mënyrë intensive, se cilët elementë do mund të përmirësohen dhe ndryshohen në procesin e anëtarësimit,” tha Merkel.
