Pas takimeve të djeshme me opozitën jashtë parlamentare të udhëhequr nga kryedemokrati Lulzim Basha dhe më pas takimin me ish-presdidentin Rexhep Mejdani, sot presidenti i Republikës Ilir Meta pritet të ketë një takim me tre ish-presidentët Alfred Moisiu, Bamir Topi dhe Bujar Nishani.
Në këtë takim kreu i shtetit,prirtet t’ju kërkojë mendimin dhe paraardhësve të tij, për të arritur në një mendim kolegjial, është ajo nëse Presidenti mund të shpërndajë Parlamentin, pasi përcaktimi kushtetues në nenin 96, pika 4, i jep të drejtë Presidentit ta shpërndajë Parlamentin vetëm “kur Kuvendi nuk arrin të zgjedhë Kryeministrin e ri”.
“Parlamenti një ditë do të shpërndahet, nuk është ky problemi, puna është se ky Parlament kot sa rri edhe një ditë më shumë në këtë mënyrë si sillet. Ju e dini shumë mirë se Parlamenti shpërndahet gjithmonë me dekret të Presidentit”, u shpreh Meta.
Presidenti Meta ka qenë i qartë gjatë gjithë këtyre ditëve për kompetencat e tij në lidhje me zgjedhjen e anëtarëve të Gjykatës Kushtetuese, madje kryedemokrati Basha deklaroi dje se u njojtem me prova tronditëse se si po tentohet të kapet Kushtetuesja nga mazhoranca.
