“Do t’ju shkund nga brekët”/ Zbardhet sms-ja prokurores ndaj gjykatësve që liruan Katica Janevën

“Do t’ju shkund nga brekët, gjithë Këshillin”, kjo ka qenë porosia SMS e prokurores Vilma Ruskovska, drejtuar ndaj gjykatësve të Apelit që kishin vendosur lirimin nga paraburgimi të ish-kryeprokurores speciale, Katica Janeva, e cila prej mbrëmë është në arrest shtëpiak.

“Në rast se ti me Këshillin e keni lëshuar Katicën, ta dish se do tju shkund nga brekët gjithë Këshillin me hetim financiar. Për shkak të gjykatësve si Ju, asnjëherë nuk do të hyjmë në BE. Në rast se nuk është Këshilli yt, kërkojë falje. Por në rast se jeni Ju, do ta shihni”, thuhet në SMS e Ruskoskës.

Kjo prokurore e rastit “Reket” në të cilin po hetohet edhe Janeva ka shpërthyer ndaj gjykatësve që Janevën e çuan në arrest shtëpiak. Ajo ka thënë se ka kërkuar hetim financiar për gjithë personat e përfshirë.

LEXO EDHE  Tentohet të rrëmbehet pranë shtëpisë vajza e mitur e deputetit (Detajet)

Gjykata e Apelit-Shkup tha se kjo porosi SMS shpreh qëndrimin se kjo paraqet kërcënim direkt dhe përzierje të ashpër në punën e gjykatës, ku Prokuroria Publike është vetëm palë në procedure. Sipas tyre, deklarata e Ruskoskës është paushallë, të pa bazë dhe përzierje të ashpër në punën e gjyqësorit. Seanca gjyqësore për rastin “Reket” fillon më 3 dhjetor, ndërsa të dyshuar janë kryeprokurorja e Prokurorisë Speciale Publike, Katica Janeva, Bojan Jovanovski i njohur me nofkën “Boki 13” dhe Zoran Milevski i njohur si Zoki Kiçeec.

Ata dyshohen se, kanë zhvatur biznesmenë nëpërmjet Janevës, duke marrë 1,5 milionë euro vetëm nga biznesmeni Orce Kamçev për t’ia lehtësuar procedurën hetimore për pastrim parash në lëndën “Perandoria”, ndërsa duhej të merrnin edhe 4,5 milion euro të tjera, gjithsej 8 milionë. (INA)