Kryetari i PD-së Lulzim Basha foli për “prova tronditëse” pas takimit të tij dhe krerëve të tjerë të partive opozitare me Presidentin Ilir Meta.
Basha tha se “Gjatë takimit me presidentin Meta u njohëm me prova tronditëse të asaj që kemi ditur dhe thënë më përpara: ndërhyrjes flagrante të kryeministrit të vendit në procesin e reformës zgjedhore dhe konkretisht në procesin e emërimit të gjyqtarëve të Gjykatës Kushtetuese”.
“Këto prova dhe fakte tronditëse vërtetojnë se qëllimi i vetëm i këtij kryeministri dhe kësaj qeverie është jo zbatimi i reformës në drejtësi, por kapja e institucioneve të drejtësisë dhe në veçanti kapja e Gjykatës Kushtetuese. PD dhe aleatët tanë e kanë konsideruar këtë prej fillimit një grusht kushtetues, por përtej kësaj, edhe një provë më shumë se me këtë qeveri reforma në drejtësi është e rrezikuar, drejtësia e pavarur që mbron dhe nuk ndëshkon politikanët e lidhur me krimin mbetet një iluzion. E kemi parë dhe në rastin e Tahirit, në rastin e hetimet e manipuluara dhe sabotuara për manipulimin zgjedhor në dosjen 184 dhe 339, e kemi parë në rastin e varrosjes së aferave të tmerrshme korruptive. PD dhe opozita e bashkuar qëndrojnë një për reformë në drejtësi sipas Kushtetutës. Ne kërkojmë vënin në funksionim sa më shpejtë të Gjykatës Kushtetuese, të Gjykatës së Lartë, SPAK-ut dhe BKH sipas kushtetutës dhe jo sipas planeve, anktheve dhe problemeve korruptive të qeverisjes aktuale”, deklaroi Basha në një prononcim për gazetarët.
Kreu i Shtetit, Ilir Meta, priti paraditen e sotme në një takim përfaqësuesit e partive të koalicionit opozitar. Takimi, i cili u mbajt në Presidencë, nisi në orën 09:00 dhe përfundoi në orën 10:30. Në ftesën drejtuar opozitës, kreu i shtetit theksonte nevojën e takimit “urgjent për situatën dramatike” që sipas tij, po kalon vendi.
“Katër herë ka refuzuar Rama dialogun me ndërmjetësim ndërkombëtar”/ Basha: Javën e ardhshme…
