Media angleze, “The Mirror”, ka publikuar lajmin që marrëdhënia mes Pep Guardiolës dhe Manchester City-t është e rrezikuar.
Sipas këtij raportimi, një largim i trajnerit mund të ndodhë në përfundimin e sezonit, edhe pse kontrata e tij me klubin nuk e parashikon këtë gjë, pasi ajo skadon në fund të vitit 2021.
Shumë mund të vendosë edhe rezultati i Manchester City-t, në Ligën e Kampioneve këtë sezon, pasi është kjo pika ku drejtuesit janë më kritik ndaj spanjollit.
Konkretisht trajneri spanjoll është maksimalisht i rezervuar në lidhje me situatën e tij kontraktuale. Nuk ndihet nëse ai mund të aktivizojë ndonjë klauzolë të kontratës për të prishur para kohe marrëdhënien me klubin.
Ndërsa nëse një largim i mundshëm realizohet, nuk bëhet i ditur destinacioni i ardhshëm i trajnerit Guardiola.
