Për të dytin vit radhazi, organizata jofitimprurëse “Break Free From Plastic” e cilësoi Coca- Colën, kompaninë me bazë në Atlanta, si prodhuesen më të madhe të plastikës.
Grupi ambientalist, pati rreth 72 mijë vullnetarë në 51 shtete, të cilët mblidhnin mbetjet plastike gjatë muajit shtator, ku 43% e asaj që ata grumbulluan, ishin marka të njohura nga konsumatorët, sipas një raportimi nga “The Guardian”.
Coca-Cola mbante vendin e parë, ku në këtë periudhë kohë u gjetën rreth 12 mijë produkte të Coca-Colës në 37 vende përgjatë botës.Ndërsa vendin e dytë e mbante “Nestle and Pepsico”.
Ndërsa Cola ishte mbetja më e hasur në Afrikë dhe Europë, në Shtetet e Bashkuara, Nestle ishte prodhuesja më e madhe e ndotjes nga plastika.
Në Europë, Heineken ishte ndotësja plastike e tretë më e madhe.
Çdo herë që paketimet tona përfundojnë në oqeane, ose në çdo vend ku “nuk duhen të jenë, – është e papranushme nga ne. Në partneritet me të tjerët, ne po punojmë për të adresuar këtë problem global kaq kritik, për të ndihmuar në reduktimin e mbetjeve plastike që hyjnë në oqeane dhe për të pastruar ndotjen aktuale”, tha kompania e Coca-Colës në një deklaratë zyrtare.
/Burimi: New York Post/
