Mediat franceze kanë shkruar se mbrëmjen e djeshme është vërshëllye himni i Francës në shenjë proteste për shkak të incidentit që ndodhi dy muaj më parë.
AFP, agjencia publike e lajmeve në Francë, shkruan se: “Dy muaj pasi futbollistët e Shqipërisë u lanë të zemëruar kur u luajt himni i gabuar kombëtar në një ndeshje kualifikimi për në Euro 2020 në Francë, himni francez vërshëllye fuqishëm në ndeshjen e kthimit të Dielën”.
“Franca luajti himnin e Andorrës gabimisht në Stade de France në Shtator.
Pasi shqiptarët e zemëruar protestuan dhe nuk pranuan të luanin derisa të luhej muzika e saktë, u gjet himni i saktë dhe loja nisi më shumë se pesë minuta me vonesë.
Të Dielën, një këngëtare vendase bëri interpretimin e La Marseillaise, por zëri i saj u ‘mbyt’ nga 22 mijë të pranishmit.
Franca u gjobit me 20,000 euro (22.099 dollarë) nga UEFA për gabimin e tyre, ndërsa Presidenti Macron bëri një falje zyrtare për mbikëqyrjen e sikletshme”, vijon më tej raportimi.
