Kapiteni i Francës, foli për mediat në konferencën para ndeshjes me Shqipërinë, për skuadrën e “gjelave”, si dhe përmendi dhe kombëtaren tonë.
Duke u pyetur për ndeshjen e dobët të zhvilluar nga ata ndaj Moldavisë, dhe për ndryshimet që do të bëhen ndaj Shqipërisë ai u përgjigj:
“Në ndeshjen me Moldavinë, në pjesën e parë ishim statik, por na u desh të ndryshojmë. Nesër mendojmë të trondisim lojën dhe të jemi më dinamikë. Motivimi jonë është që nesër të fitojmë ndeshjen. Me Moldavinë pjesa e parë nuk ishte e mirë, por nesër jemi të angazhuar për të bërë një lojë të mire”.
“Do të them që ndaj Shqipërisë ne do jemi të mobilizuar. Në ndeshje ndodh edhe të zhgënjehesh. Duhet të jemi të motivuar për të fituar ndeshjen. Duhet të them, se edhe trajneri është i përgatitur që të marrim fitoren për të bërë rezultatin maksimal në grupin tone”.
Ndërsa mbi përshtypjet që ka për skuadrën tonë ai deklaron:
“E konsiderojmë ndeshje të vështirë, pasi Shqipëria bën një lojë intensive në krah dhe preson shumë. Ndeshja nuk do jetë e thjeshtë. Fitorja në Paris na lehtësoi, por nesër nuk do jetë e lehtë. Do na takoj ne të luajmë fort, edhe Deshamp tha që do jetë një ndeshje e vështirë, pasi luajnë në shtëpinë e tyre dhe luajnë në inaugurimin e stadiumit të ri”.
