Gjithçka duket se është gati për ndeshjen e shumëpritur të Shqipërisë ndaj Francës.
Shqipëria nuk ka ndonjë synim specifik për tabelën e renditjes, por një gjë është e sigurt, në fushën e lojës do të jepet maksimumi për të bërë mirë, ndaj një France thuajse perfekte.
Edoardo Reja ka pranuar se emocionet i ka të mëdha përpara kësaj ndeshje, por për formacionin ka gjykuar ftohtë. “Muskuj”, talent dhe eksperiencë. Në portë sonte rikthehet Thomas Strakosha, ndërkohë që italiani ka ribërë mbrojtjen. Gjimshiti e Ismajli do të kenë si partner gjigantin Kastriot Dermaku.
Punën e vështirë nga krahët do e bëjnë Elseid Hysaj dhe Ermir Lenjani, kurse në mesfushë Bare dhe Gjasula garantojnë kilometra dhe shumë duele. Sigurisht duhet edhe pak fantazi, që i është besuar ta krijojë Ledian Memushaj. Sulmi nuk ndryshon, me Balajn dhe Manajn që kanë për detyrë të shënojnë ë portën e kampionëve të botës.
SHQIPËRIA (Formacioni i mundshëm): Strakosha, Ismajli, Dermaku, Gjimshiti, Hysaj, Bare, Gjasula,Memushaj, Lenjani, Manaj, Balaj. Trajner: Edoardo Reja
